БлогСовети10 животни лекции научени од планините

10 животни лекции научени од планините

07 Февруари 2017
10 животни лекции научени од планините

Велат дека најдобрите ментори учат без зборови, тогаш од планините подобар ментор нема во што сум се уверил и самиот себеси. Ова се некои од најбитните лекции од тој „тивок“ ментор:

1. План - импровизација и планирање во движење веројатно секогаш ќе ми бидат дел од карактерот, но тоа често скапо ме чинело. Повеќе пати поради тоа сум страдал, упаѓал во проблем и заборавал на битните работи. Кога при поаѓање во планина заборавите на нешто што е битно, тогаш тоа добро ви се наплаќа, затоа сега секогаш добро и детално го планирам секој ден и секое патување. Не џабе е и онаа реченица дека секој добар план е 50% завршена работа.

2. Трпение - „Има ли уште многу?“ - е прашањето кое често сум си го поставувал себеси кога ќе се уморам, често застанувајќи со погледот вперен кон највисокиот гребен кој го гледам, надевајќи се дека тоа е врвот. Речиси исто толку пати сум завршувал разочаран гледајќи дека не сум ни близу врвот, а и понатаму сум губел време гледајќи горе. Трпението ќе ви го направи патот полесен, а позитивната мисла дека што повеќе одите, сте се поблиску до целта.

3. Упорност - како и во се во животот, до врвот стигнуваат само најупорните. Некогаш за истиот пат се потребни 3-4 часа, некогаш саат или два, но сигурно е дека ќе стигнеме ако продолжиме или нема ако се откажеме. Толку е едноставно. Кога ќе го искачиме врвот, секој умор исчезнува и се забораваат сите тегоби. Ако пред „освојувањето“ на врвот се откажеме и тргнеме назад, тој умор и тегоби не дека нема да престанат, туку ќе му се придружиме и на разочарувањето и неуспехот.

4. Кратенки - едно од мудрите планинарски изреки кој сум ги слушнал се „кратенката крати, но околу е побрзо“. Кратенките секогаш делуваат примамливо, но во суштина има многу малку кратенки кои ќе ни помогнат, а воедно е и тешко да ги препознаеме. Најчесто со кратенките заглавуваме и губиме многу повеќе енергија и време да се извлечеме, отколку што ќе изгубиме ако тргнеме по вистинскиот пат.

5. Замор - секако дека уморот постои, но всушност сме многу повеќе физички спремни да го поднесеме, отколку психички. Секогаш многу повеќе ќе не умори губењето верба во себе и мислата „јас ова не го можам“, и секогаш се откажуваме поради тие исти мисли, а не поради неможноста да продолжиме понатаму.

6. ЈАС сум најјак - преценувањето на себе е идеален начин на планина човек да се повреди или (не дај Боже) настрада. Тоа е класично непочитување на природата, кога ќе помислиме дека сме над се, многу брзо на најтешкиот можен начин се уверуваме дека не сме.

7. Паника - кога нешто ќе тргне „наопаку“, а знае да тргне многу често, најбитна работа е да се остане присебен бидејќи е апсолутно неопходно во тој момент со ладна глава да се размисли и да се донесат вистински одлуки. Со паника се туркаме себеси се подлабоко во проблеми.

8. ТВ емисии - во ТВ емисиите како што се на Discovery, National Geographic и слични, секогаш се изгледа толку фино, лесно, возбудливо и интересно. Но во реалноста всушност е многу поинаку.

9. Опкружување - секогаш околу нас се наоѓаат куп работи кои може да ни помогнат и кои можеме да ги искористиме. Мораме да научиме кои се тие работи и како да ги искористиме во вистински момент и на вистински начин.

10. Уживање во моментот - денес станавме премногу оптеретени со социјалните мрежи, фотографиите на другите и другите луѓе воопшто. Најубавите моменти на терен, прво никогаш не ги сликам, едноставно застанувам и уживам во нив, бидејќи никогаш не траат долго.

Тагови:
Stani avtor

Последно од Блог

Facebook

Времето денес

Партнери


Социјални мрежи

Оди најгоре