Секој што барем еднаш се искачил на планината Водно, без оглед на тоа дали само до средно Водно или пак до врвот, знае точно зошто оваа планина е најпосетувана. Сместена во јужниот дел на Скопската котлина, целосно владее со пејзажот на главниот град Скопје.

Мистериозната Беласица која почива во близина на Струмица се наоѓа во југоисточниот дел на Македонија, помеѓу соседна Грција и Бугарија. Во високите широки прегратки будно спие највисокиот нејзин врв Радомир (Калабак) 2029 м, кој е наречен по царот Гаврил Радомир, син на цар Самуил.

Во непосредна близина на градот Скопје, влегувајќи со својот југозападeн дел се надѕира планината Скопска Црна Гора на која се прошарани долини, водотеци, селски населби со автентична традиционална архитектура.

Убавицата сместена во источниот дел на Македонија, чија најголема мистерија е токму нејзината природна убавина зад себе носи една многу интересна легенда. Се вели дека во подножјето на планината Плачковица живеел земеј, но не од оние кои летале туку од оние водните, слични на кинеските змејови.

Најубавиот планински масив во источниот дел на Македонија – Малешевските планини се покриени со најчудесната букова и дабова шума. Токму тоа бесценето богатство од букова шума, борови и дабови биле пресудни да го носи името Малеш-планина.

Мистичната Илинска Планина е дел од планинскиот масив од Демир Хисар која длабоко под своите пазуви го негува највисокиот врв Лиска со 1908 м. Најстарата планина на Балканскиот полуостров изобилува густи планински шуми и пасишта, извори на неодолива ладна вода и разновиден животински свет.

logo-medium.png

Барај